Aa hi gaya woh mujh ko lehad mein utaarne,
ghaflat zara na ki mere ghaflat-shiar ne.
O be-naseeb din ke tasawwur se khush na ho,
chula badal liya hai shab-e-intezaar ne.
Ab tak aseer-e-daam-e-fareb-e-hayaat hun,
mujh ko bhula diya mere parwardigaar ne.
Nauhagaron ko bhi hai gala baithne ki fikr,
jaata hun aap apni ajal ko pukaarne.
Dekha na kaarobaar-e-mohabbat kabhi ‘hafeez
fursat ka waqt hi na diya kaarobaar ne. !!
Comments
Post a Comment