Skip to main content

Posts

Showing posts from 2017
Paas tm Hoty To Koi Shararat Karty, Tujhey Le Kar Bahon Mein Mohabbat Karty Dekhtey Teri Ankhon Mein Neend Ka Khumar Apni Khoi Hui Neendon ki Shikayat Karty Teri Aankhon Mein Apna aks Dhoondtey Khud Se Bhi Zeyada Teri Chahat Karty Jis Ki Hakumat Thi Us K Ghulaam Thy, Qabeelay Mein Ae Dost kis Se Beghawat Karty Ek Dil e Tha, Wo Be Us Ke Paas Tha, Raat Bhar Jaag Ker Kis Ki Hifazat Karty
Post a Comment
Read more
Kabhi khud bhi mere paas aa meri bat sun mera sath de jo khalish hai dil se nikal ke mujhe uljhanon se nijat de tera sochna mera mashghala tujhe dekhna meri aarzoo mujhe din de apne khayal ka mujhe apne qurb ki rat de main akaila bhatkoon kahan kahan ye safar bohat taweel hai meri zindagi mere sath chal mere hathon mein apna hath de
Post a Comment
Read more

Yaqeen Ata Nahi Dil Ko K Aisa Ho Bhi Sakta Hai

Yaqeen Ata Nahi Dil Ko K Aisa Ho Bhi Sakta Hai Mera Hal-E-Gham Sun Kar Wo Zalim Ro Bhi Sakta Hai Kabhi Insan Akela Ho K Bhi Tanha Nahi Hota Sar-E-Mehfil Kabhi Bethy Bithaye Kho Bhi Sakta Hai Ta'ajjub Kiun Hai Tum Ko Meri Be-Gunahi Par Karam Ka Aik Qatra Dagh-E-Daman Dho Bhi Sakta Hai Kabhi Insan Ko Neend Ati Nahi Phoolon K Bistar Par Kabhi Pathar Pe Sar Rakh Kar Mazy Se So Bhi Sakta Hai Wo Kehta Hai Tumhari Khatir Sitary Tor Launga Ba-Zahir Yoon Nahi Hota Magar Yoon Ho Bhi Sakta Hai...
Post a Comment
Read more

Khudi Hai Izzat-O-Yaqeen Ka Dastoor Mian

Khudi Hai Izzat-O-Yaqeen Ka Dastoor Mian Jo Dekh Lia Kahin Pe Ye Satoor Mian Hai Ishq Wo Bala K Kon Idhar Apna Hai Ishq Me Dikhta Kahan Fatoor Mian Ye Ishq Bazon Ki Basti Idhar Kahan Aye Ye Wo Aitbar Jo Num Aur Phir Choor Choor Mian Hai Meri Ye Chah Ek Dua Khuda Se Mil Kar Bhool Gaya Wafa Hun Jo Majbur Mian Tum Yawar Idhar Udhar Kiun Bhatakte Ho Karun Ga Hasil Usko Magar Zarur Mian...
Post a Comment
Read more

Tum Nahin Bachpan ki Zid Mein Tum si Kitni Ladkiyan..

Tum nahin, bachpan ki zidd mein tum si kitni ladkiyaan, ab paraaye daaman’on par kaadhti hain titliyaan. ! Dil mein tanhaai ka sannaata azaab-e hashr hai, raat bhar bajti hain mere ghar ki saari khidkiyaan. ! Main shikasta aainon ke shehar mein phirta raha, haath mein tera pata, paanv mein chubhti kirchiyaan. ! Doobne waalon ki aawaaz’en khalaa mein kho gayi, log chunte hi rahe saahil se taaza seepiyaan. ! Hijr ke saare fasaane, sab bahaane, sach magar kuchh masaa’el aur bhi the, uske mere darmiyaan. ! Roshni maangi thi, sunte hain buzurgon ne kabhi, dhoondhti hain bastiyon ko ab bhi andhi bijliyaan. ! Ab lute laash’on, jale khemon ka pursa kis ko dein reh gayi sehra mein bachchon ki adhoori hichkiyaan. ! Hum garebaanon se jayenge toh kya ‘Mohsin mere doston ke haath toh reh jaayengi kuchh dhajjiyaan. !!
Post a Comment
Read more

Bichhde Hue Yaaron Ki Sada Kyon Nahi Aati..

Bichhde hue yaaron ki sada kyon nahin aati, ab roozan-e zindaan se hawa kyon nahin aati .! Tu ab bhi salaamat hai safar mein toh musaafir, tere liye honthon pe duaa kyon nahin aati .! Patthar ho toh kyon khauf-e shab-e ghum se ho larzaan, insaan ho toh jeene ki adaa kyon nahin aati .! Ek pedd ke saaye se hawa poochh rahi hai, ab dasht mein makhlooq-e Khuda kyon nahin aati .! Chehron pe woh sarson ki dhanak kya hui yaaro, haath’on se woh khushbu-e hina kyon nahin aati .! Basti ke sabhi log salaamat hain toh ‘Mohsin aawaaz koi apne siwa kyon nahin aati .!!
Post a Comment
Read more

Honge Juda Hum is Tarah Imkaan Toh Na Tha..

Honge juda hum is tarah imkaan toh na tha, ye dil kabhi bhi is tarah weeraan toh na tha. ! Jaise hua hai ab ke woh halaat se mere, pahle kabhi woh is tarah anjaan toh na tha. ! Woh shehar se gaya hai toh raunaq bhi le gaya, ye shehar is tarah kabhi sunsaan toh na tha. ! Ek Pyar ki jaageer ka maalik tha main kabhi, pahle se yun hi be’sar-o saamaan toh na tha. ! Mohsin’ hum ne ishq mein paaya naffa bahut, is kaarobaar mein koi nuqsaan toh na tha. !!
Post a Comment
Read more

Jis Ki Qismat Hi Dar-ba Dar Thehre..

Jis ki qismat hi dar-ba dar thahre, woh bujha chaand kis ke ghar thahre. ! Umar guzri sanwaarte dil ko, kaash woh dil mein lamha bhar thahre. ! Usey kya poochhna safar ki thakan, jis ki manzil hi rahguzar thahre. ! Uski qeemat, azaab sooraj ka woh sitaara jo taa-sahar thahre. ! Uski aankhen udhar gayi hi nahin, log kya kya na mod par thahre. ! Hum se kaisa hasad hawa-e safar, hum toh gard-e raah-e safar thahre. ! Jhuk ke choome na kyon falak ‘Mohsin jab sinaa par kisi ka sar thahre. !!
Post a Comment
Read more

Ronaq-e Rahguzar Hai Tanhaai..

Ronaq-e rahguzar hai tanhaai, phir meri humsafar hai tanhaai. ! Chaand kyon mand padta jata hai, tu hai ya baam par hai tanhaai. ! Kya maseehaa’on ko talaash karen, zakhm ki chaaragar hai tanhaai. ! Shaam-e ghum odh kar hi so jaao, shaam-e ghum se udhar hai tanhaai. ! Kirchiyon se bhi aks chunti hai, sangdil kis qadar hai tanhaai. ! Jinke mehmaan hon shab ke andeshe, aise logon ka ghar hai tanhaai. ! Lamha bhar ko hai saath saans’on ka, aur phir umar bhar hai tanhaai. ! Jaane kis ki talaash mein ‘ Mohsin aaj kal dar-ba dar hai tanhaai. !!
Post a Comment
Read more

Wusat-e Chashm-e Tar Bhi Dekhenge..

Wus’at-e chashm-e tar bhi dekhenge, hum tujhe bhool kar bhi dekhenge. ! Hijr ki shab se hausle apne, bach gaye toh sahar bhi dekhenge. ! Raat hone do, log sone do chaand ko dar-ba dar bhi dekhenge. ! Ek duaa dil se chhup ke maangi thi, us duaa ka asar bhi dekhenge. ! Ek puraana safar toh khatm hua, ek nayi rahguzar bhi dekhenge. ! Gin toh lene do be’kafan laashen, be’sadaa baam-o dar bhi dekhenge. ! Chhed kar dil ki raakh ko ‘Mohsin ab ke raqs-e sharaar bhi dekhenge. !!
Post a Comment
Read more

Jin Par Sitam Tamaam Qafas ki Fiza ke The…

Jin par sitam tamaam qafas ki fizaa ke the, mujrim woh log apni shikast-e anaa ke the. ! Ae dasht-e khaar hum se hisaab-e karam na maang, paanv mein aable the magar ibtedaa ke the. ! Lab pe sajaa liye the yun hi ajnabi se naam, dil mein tamaam zakhm kisi aashna ke the. ! Patton se bhar rahe the hawaaon ki jholiyaan, girte hue shajar bhi sakhi intehaa ke the. ! Gahre samandaron mein kahan aks-e aasmaan, paani mein jitne rang the saare khalaa ke the. ! Ab dhool odhna bhi mayassar nahin jinhe, waaris woh ahl-e dil kabhi arz-o samaa ke the. ! Jin se ulajh rahi thi hawaa’on ki shorishen, Mohsin’ woh daayre toh mere naqsh-e paa ke the. !!
Post a Comment
Read more

Shaam ka Mausam Khyaal- O Khwaab Hua..

Sukh ka mausam khayaal-o khwaab hua saans lena bhi ab azaab hua. Aankhon-aankhon padha karo jazbe chehra-chehra khuli kitaab hua. Kaun maujon mein gholta hai lahoo surkh’roo kis liye chanaab hua. Roshni uske aks ki dekho aaina shab ko aaftaab hua. Ek falak’naaz ki mohabbat mein  main hawaaon ka hum-rakaab hua. Adl-parwar kbhi hisaab toh kar zulm kis kis pe be-hisaab hua. Kiske sar par sinaa ko rashk aaya kaun maqtal mein kaamyaab hua. Ab ke hijraan ki dhoop mein ‘Mohsin  rang uska bhi kuchh kharaab hua .!!
Post a Comment
Read more

Bahar Bhi Ab Andar Jaisa Sannata Hai..

Bahar bhi ab andar jaisa sannaata hai, dariya ke us paar bhi gehra sannaata hai. Shor thame toh shayad sadiyaan beet chuki hain, ab tak lekin sehma sehma sannaata hai. Kis se bolun ye toh ek sehra hai jahaan par, main hun ya phir goonga behra sannaata hai. Jaise ek toofaan se pehle ki khamoshi, aaj meri basti mein aisa sannaata hai. Nayi sehar ki chaap na jaane kab ubhregi, chaaron jaanib raat ka gehra sannaata hai. Soch rahe ho socho lekin bol na padna, dekh rahe ho shehar mein kitna sannaata hai. Mehv-e-khwaab hain saari dekhne wali aankhen, jaagne wala bas ek andha sannaata hai. Darna hai toh anjaani aawaaz se darna, ye toh ‘aanis’ dekha-bhaala sannaata hai. !!
Post a Comment
Read more

Ho Jaayegi Jab Tum Se Shanasai Zara Aur..

Ho jaayegi jab tum se shanasaai zara aur, badh jaayegi shayad meri tanhaai zara aur. Kyon khul gaye logon pe meri zaat ke asraar, aey kaash ki hoti meri gehraai zara aur. Phir haath pe zakhmon ke nishaan gin na sakoge, ye uljhi hui dor jo suljhaai zara aur. Tardeed toh kar sakta tha phailegi magar baat, iss taur bhi hogi teri ruswaai zara aur. Kyon tark-e-taalluq bhi kiya laut bhi aaya? achchha tha ki hota jo woh harjaai zara aur. Hai deep teri yaad ka raushan abhi dil mein, ye khauf hai lekin jo hawa aayi zara aur. Ladna wahin dushman se jahan gher sako tum, jeetoge tabhi hogi jo paspaai zara aur. Badh jaayenge kuchh aur lahoo bechne waale, ho jaaye agar shehar mein mehngaai zara aur. Ek doobti dhadkan ki sadaa log na sun lein, kuchh der ko bajne do ye shehnaai zara aur. !!
Post a Comment
Read more

Tumhaarii anjuman se uTh ke diivaane kahaaN jaate

Tumhaarii anjuman se uTh ke diivaane kahaaN jaate Jo vaabastaa hue tum se voh afsaane kahaaN jaate Nikal kar dair-o-kaa’ba se agar milta na maiKhaana To Thukraaye hue insaaN Khudaa jaane kahaaN jaate Tumhaari be-ruKhii ne laaj rakh lii baada-Khaane kii Tum aaNkhoN se pilaa dete to paimaane kahaaN jaate Chalo achchhaa huaa kaam aa gaiyi diivaangi apnii Vagar na ham zamaane bhar ko samjhaane kahaaN jaate ‘Qateel’ apnaa muqaddar Gham se be-gaanaa agar hota To phir apne paraaye ham se pahchaane kahaaN jaate
Post a Comment
Read more

Chaandii jaisa rang hai tera, sone jaise baal

Chaandii jaisa rang hai tera, sone jaise baal  Aek tu hi dhanvaan hai gori, baqi sab kangaal Har aaNgan mein saje na tere ujle roop ki dhoop  Chhail-chhabeeli raani thoRa ghuNghat aur nikaal Bhar bhar nazreiN dekheiN tujh ko aate jaate log  Dekh tujhe badnaam na karde harni jaisi chaal Beech mein rang-mahal hai tera khayii charoN or  Hum se milne ki ab gorii tu hi raah nikaal Yeh duniya hai khud gharzoN ki lekin yaar ‘Qateel’  Tu ne hamaara saath diya tu jiye hazaaroN saal
Post a Comment
Read more

Siskiyaan Leti Hui GhamgeeN Hawao, Chup Raho

Siskiyaan Leti Hui GhamgeeN Hawao, Chup Raho So Rahe Hain Dard, In Ko Mat Jagao, Chup Raho Raat Ka Pat_thar Na Pighlega Shuaa’oN Ke Baghair Subaah Hone Tak Na Bolo Ham Nawao, Chup Raho Band Hain Sab Mai Kaday, Saaqi Bane Hain Muhtasib Ae Garajtii Goonjti Kaali Ghataao,Chup Raho Tum Ko Hai Maaloom Aakhir Koun Sa Mausam Hai Ye Fasl-e-Gul Aane Talak Ae Khushnawao, Chup Raho Soch Ki Deewaar Se Lag Kar Hain Gham Baithay Hue Dil Mein Bhi Naghma Na Koi Gungunao, Chup Raho ChhaT Gaye Haalaat Ke Baadal To Dekha JaayeGa Waqt Se Pehle Andhaire Mein Na Jao, Chup Raho Kiun Sharik-e-Gham Banate Ho Kisi Ko Ae ‘Qateel’ Apni Sooli Apne Kaandhe Per Uthaao, Chup Raho
Post a Comment
Read more

Tum haqiqat nahi ho hasrat ho

Tum haqiqat nahi ho hasrat ho  Jo mile khaab meN wo daulat ho MaiN tumhare hi dam se zinda huN  Mar hi jauN jo tum se fursat ho Tum ho khushbu k Khab ki khushbu  Aur utni hi, be – murawwat ho Tum ho pahlu meN par qaraar nahi  Yaani aisa hai jaise furqat ho Tum ho angRayii rang O nikhat ki  Kaise angRayi se shikaayat ho Kis tarah choR duN tumhein janaN  Tum meri zindagi ki aadat ho  Kis liye dekhti ho aayeena  Tum to khud se bhi khubsurat ho DaastaaN khatm hone wali hai  Tum meri aakhri muhabbat ho
Post a Comment
Read more

Yaad use intehaayi karte haiN

Yaad use intehaayi karte haiN So hum uski buraayi karte haiN Pasand aata hai dil se yusuf ko Woh jo Yusuf ke bhaaii karte haiN Hai badan khaab-e-wasl ka dangal Aao, zor – aazmaayi karte haiN Us ko aur Ghair ko khabar hi nahi Hum lagaayi – bujhaayi karte haiN Halat-e-wasl meiN bhi hum donoN Lamha lamha judaayi karte haiN Aap jo mere jaaN haiN main dil hun Mujh se kaise judaayi karte haiN Ba-wafaa aek dusre se miyaaN Har nafas be-wafaayi karte haiN Jo haiN sarhad ke paar se aaye Woh bahut khud-setaayi karte haiN Pal Qyaamat ke sood-khaar haiN John Yeh abad ki kamaayi karte haiN
Post a Comment
Read more

Hamare zakhm-e-tamanna puraane hogaye haiN

Hamare zakhm-e-tamanna puraane hogaye haiN K us gali mein gaye ab zamaane hogaye hiaN Tum apne chaahne waloN ki baat mat suniyo! Tumhaare chaahne waale diwaane hogaye haiN Wo zulf, dhup mein furqat ki ayi hai jab yad To baadal aye haiN aur shamiyaane hogaye haiN Jo apne taur se hum ne kabhi guzaare the Wo subh-o-shaam to jaise fasaane hogaye haiN Ajab mahak thi mere gul tere shabishtaaN ki So bulbuloN ke wahaaN aashiyaane hogaye haiN Hamaare baad jo aayeiN unhein mubarak ho JahaaN the kunj wahaaN kaarkhane hogaye haiN
Post a Comment
Read more

Ab JunuN kab kisi ke bus meiN hai

Ab JunuN kab kisi ke bus meiN hai Uski khushboo nafas-nafas meiN hai Haal us Said ka, sunaaiye kya! Jis ka saiyyad khud qafas meiN hai Kya hai gar zindagi ka bus na chala Zindagi kab kisi ke bus meiN hai? Ghair se rahiyo tu zara hushiyaar Woh tere jism ki hawas meiN hai! Paa-shikastaa paRa hua huN magar Dil kisi naGhma-e-jaras meiN hai ‘Joan’ hum sab ki dastaras meiN haiN Woh bhala kis ki dastaras meiN hai
Post a Comment
Read more
Khaatir se ya lihaaz se maiN maan to gayaa JhooTi Qasam se aap ka eemaan to gayaa Dil leke muft kahte haiN kuch kaam ka nahiN UlTi shikaayateiN rahiN ehsaan to gayaa Afshaay E raaz E ishq me go zillataiN huiN Lekin use jataa to diya, jaan to gayaa Dekha hai butkade meN jo ae sheikh kuch na kuch Eemaan ki to ye hai k eemaan to gayaa Darta hooN dekh kar dil E be-aarzu ko maiN Sunsaan ghar ye kyuN na ho mehmaan to gayaa Go naamaabar se khush na hua par hazaar shukr Mujhko wo mere naam se pahchaan to gayaa Hosh O hawaas O taab O tavaaN “Daag” ja chuke Ab hum bhi jaane waale haiN saamaan to gayaa
Post a Comment
Read more

Baat karni mujhe mushkil kabhi aisii to na thi

Baat karni mujhe mushkil kabhi aisii to na thi  Jaisi ab hai teri mehfil kabhi aisii to na thi Le gayaa chheen ke kaun aaj tera sabr-O-qaraar Be-Qaraari tujhe ai dil kabhi aisii to na thi Us kii aaNkhoN ne KHudaa jaane kiya kya jaadu K tabiat meri maail kabhi aisii to na thi Aks-E-ruKHsaar ne kis ke hai tujhe chamkaayaa Taab tujh meiN mah-E-kaamil kabhi aisii to na thi Ab ki jo raah-E-muhabbat meiN uThaayi takliif Sakht hoti hameN manzil kabhi aisii to na thi Paa-E-kubaaN koi zindaaN meN naya hai majnuN Aatii aavaaz-E-salaasil kabhi aisii to na thi Nigah-E-yaar ko ab kyuuN hai taGaaful ae dil Wo tere haal se Ghaafil kabhi aisii to na thi Chashm-E-qaatil meri dushman thii hamesha lekin Jaisii ab ho gayi qaatil kabhi aisii to na thi Kyaa sabab tu jo bigaDta hai ‘Zafar’ se har bar Khoo teri huur-shamaail kabhii aisii to na thi
Post a Comment
Read more
Meri saari zindagi ko be-samar usne kiya Umr meri thi magar us ko basar usne kiya MaiN bahut kamzor tha is mulk mein hijrat ke bad Par mujhe is mulk mein kamzor tar usne kiya Raahbar mera bana, gumraah karne ke liye Mujh ko seedhe raaste se dar-ba-dar usne kiya Shahr mein woh mo’tebar meri gawaahi se hua Phir mujhe is shahr mein na-mo’tebar usne kiya Shahr ko barbaad kar ke rakh diya usne ‘Munir’ Shahr par yeh zulm mere naam par usne kiya
Post a Comment
Read more
Aa gayii yaad shaam dhalte hi Bujh gaya dil chiraaG jalte hi Khul gaye shahr-e-gham ke darwaze Ek zara si hawaa ke chalte hi Kaun tha tu? K phir na dekha tujhe MiT gaya khaab, aankh malte hi Khauf aata hai apne hi ghar se Maah-e-shab taab ke nikalte hi Tu bhi jaise badal sa jaata hai Aks-e-deewar ke badalte hi Khun sa lag gaya hai hathoN mein ChaRh gaya zehr, gul masalte hi
Post a Comment
Read more
Bazaahir log kitne mehrbaaN the ! Magar dukh banTne wale kahaan the LaboN per muskurahat ki dhanak thi Lahoo lathre sukhan zer E zubaN the Jo manzil aashna the wo musafir !! Pus e khak e ghubaar e karvaaN the Mai aise shahr ka baasi bana hooN  MakiN patther the, shishe k makaN the  Jala jab aashyaaN to hum ne jana  K tinke bhi hawa ke raazdaaN the Kisi ne haal tak puchha na ‘Mohsin’ Hum ahl e dil bhi kitne rayegaaN the
Post a Comment
Read more
گئے دنوں کا سراغ لیکر،کدھر سے آیا کدھر گیا وہ عجیب مانوس اجنبی تھا،مجھے تو حیران کر گیا وہ
Post a Comment
Read more
Jab bhi hansne ke zamaane aaye Zakhm phir yaad puraane aaye Baar-ha unko manaaya to hamein RooTh jaane ke bahaane aaye Phir mujhe toot ke chaaha usne Phir bichhaRne ke zamaane aaye Muskuraa kar hamein milne waale Zindagi bhar ko rulaane aaye Kitni mahroom thiN neendein unki Khaab bhi jin ko jagaane aaye Teri chahat ne Thaharne na diya Raah mein kitne thikaane aaye Tu nahi hai to hawa ka jhoNka Ghar ki zanjeer hilaane aaye Dil bujhaa hai na jale hain kheeme Aap kyuN jashn manaane aaye Isi ummeed pe jaago yaaro! Ab woh kis waqt na jaane aaye Raas aaya jinhein sehra ‘Muhsin’ Unki qismat mein khazaane aaye
Post a Comment
Read more
aina kyun na duun k tamasha kahen jise  aisa kahan se laon k tujh sa kahen jise  hasrat ne la rakha teri bazm-e-ḳhayal main  gul-dasta-e-nigah suvaida kahe jise  phoonka hai kis ne gosh-e-mohabbat main hai ḳhuda  afsun-e-intizar tamanna kahen jise  sar par hujom-e-dard-e-ġharebi se Daliye  voe k musht-e-ḳhak ki sahra kahen jise  hai chashm-e-tar main hasrat-e-dedar se ni  shauq-e-inan guseḳhta dariya kahen jise  darkar hai shaguftan-e-gul-ha-e-aish ko  subh-e-bahar pumba-e-mina kahen jise  'Ghalib' bura na maan jo vaaiz bura kahe  aisa b koi hai k sab achchha kahen jise 
Post a Comment
Read more
Bheer mein ek ajnabi ka saamna achchha laga, sab se chhup kar woh kisi ka dekhna achchha laga. Surmayi aankhon ke neeche phool se khilne lage, kehte kehte kuchh kisi ka sochna achchha laga. Baat toh kuchh bhi nahin thi lekin uss ka ek dum, haath ko honthon pe rakh kar rokna achcha laga. Chaai mein cheeni milaana uss ghari bhaya bahut, zer-e-lab woh muskurata shukriya achchha laga. Dil mein kitne ahad baandhe the bhulane ke usey, woh mila toh sab iraade torna achchha laga. Be-iraada lams ki woh sansani pyaari lagi, kam tawajjo aankh ka woh dekhna achchha laga. Neem shab ki khamoshi mein bheegti sarakon pe kal, teri yaadon ke jaalo mein ghoomna achchha laga. Uss udu-e-jaan ko ‘amjad’ main bura kaise kahun, jab bhi aaya saamne woh bewafa achchha laga. !!
Post a Comment
Read more
Chaand ke saath kayi dard puraane nikle, kitne ghum the jo tere ghum ke bahaane nikle. Fasl-e gul aayi phir ik baar asiraan-e-wafa, apne hi khoon ke dariya mein nahaane nikle. Hijr ki chot ajab sang-shikan hoti hai, dil ki befaiz zameenon se khazaane nikle. Umar guzri hai shab-e-taar mein aankhein malte, kis ufaaq se mera khursheed na jaane nikle. Ku-e-qaatil mein chale jaise shaheedon ka juloos, khwaab yun bheegti aankhon ko sajaane nikle. Dil ne ek eent se taameer kiya taj-mahal, tune ek baat kahi laakh fasaane nikle. Dasht-e tanhaai-e-hijraan mein khada sochta hun, haaye kya log mera saath nibhaane nikle. Maine ‘amjad’ usey bewaasta dekha hi nahin, woh toh khushboo mein bhi aahat ke bahaane nikle. !!
Post a Comment
Read more
کشیدہ سر سے توقع عبث جھکاؤ کی تھی  بگڑ گیا ہوں کہ صورت یہی بناؤ کی تھی وہ جس گھمنڈ سے بچھڑا گلہ تو اس کا ہے  کہ ساری بات محبت میں رکھ رکھاؤ کی تھی وہ مجھ سے پیار نہ کرتا تو اور کیا کرتا  کہ دشمنی میں بھی شدت اسی لگاؤ کی تھی
Post a Comment
Read more
ﻣﺤﺒﺖ ﻣﯿﮟ ﻏﻠﻂ ﻓﮩﻤﯽ________ ﺍﮔﺮ ﺍﻟﺰﺍﻡ ﺗﮏ ﭘﮩﻨﭽﮯ ﮐﺴﮯ ﻣﻌﻠﻮﻡ ﮐﺲ ﮐﺎ_____،، ﻧﺎﻡ ﮐﺲ ﮐﮯ ﻧﺎﻡ ﺗﮏ ﭘﮩﻨﭽﮯ
Post a Comment
Read more